මුදල් විශුද්ධිකරණ පනත යටතේ සිදු කරන විමර්ශනයකට අදාළව මත්ද්රව්ය ජාවාරම්කරුවෙක් බව පැවසෙන බැකෝ සමන් නැමැත්තාගේ බිරිඳ වන ශාධිකා ලක්ෂානී නමැත්තියට ඇප ලබා දීමේදී සෑම ඉරු දිනකම අපරාධ පරීක්ෂණ දෙපාර්තමේන්තුව හමුවේ පෙනී සිටින ලෙස සිදු කර ඇති කොන්දේසිය ලිහිල් කරන ලෙස ඇය වෙනුවෙන් පෙනී සිටි නීතිඥවරයා සිදු කළ ඉල්ලීම කොළඹ ප්රධාන මහේස්ත්රාත් අසංග එස් බෝදරගම අද (22) ප්රතික්ෂේප කළා.
මුදල් විශුද්ධිකරණ පනත යටතේ අත්අඩංගුවට ගෙන ඇප මත සිටින බැකෝ සමන්ගේ බිරිඳ සන්තකයේ තිබූ රත්තරන් භාණ්ඩ වල ප්රමාණය ලක්ෂ 84 ක් බව අපරාධ පරීක්ෂණ දෙපාර්තමේන්තුව අධිකරණයට දැන්වූවා .
