ඉන්දියාවේ නැගෙනහිර වෙරළ තීරයට බලපෑම් එල්ල කරමින් ‘මුරසු’ නමින් නව සුළි කුණාටුවක් නිර්මාණය වී තිබේ. මෙම කාලගුණික තත්ත්වය හේතුවෙන් ඇතිවිය හැකි දැඩි අවදානම සැලකිල්ලට ගනිමින්, බලධාරීන් විසින් ජනතාව ආරක්ෂිත ස්ථාන වෙත යොමු කිරීමේ කටයුතු ආරම්භ කර ඇත.
ආන්ද්‍රා ප්‍රදේශයේ පමණක් මේ වන විට පුද්ගලයින් 2,000කට අධික පිරිසක් ආරක්ෂිත ස්ථාන වෙත ඉවත් කර ඇති බව වාර්තා වේ. ඉදිරි කාලසීමාව තුළ තවත් පුද්ගලයින් 30,000කට ආසන්න පිරිසක් එම ප්‍රදේශවලින් ඉවත් කිරීමට සැලසුම් කර ඇති බව ඉන්දීය මාධ්‍ය පවසයි.
සතියක කාලයක් තුළ ඉන්දියාවේ නැගෙනහිර වෙරළට බලපෑ දෙවන ප්‍රබල සුළි කුණාටුව මෙය වේ. මීට දින කිහිපයකට පෙර බලපෑ ‘ඔර්නබ්’ සුළි කුණාටුව හේතුවෙන් පුද්ගලයින් හය දෙනෙකු ජීවිතක්ෂයට පත්වීම ද විශේෂත්වයකි.
