ඇපල් සමාගම සිය නිෂ්පාදන ඉතිහාසයේ නව පිටුවක් පෙරළමින් පළමු නැමිය හැකි ස්මාර්ට් ජංගම දුරකථනය වන ‘iPhone Duo’ මාදිලිය එළිදක්වා ඇත. මෙම දුරකථනය විවෘත කළ විට අඟල් 7.6ක විශාල තිරයකින් සමන්විත වන අතර, එය ඇපල් සමාගම මෙතෙක් නිෂ්පාදනය කළ සිහින්ම දුරකථනය ලෙස ද සැලකේ.
මෙම උපාංගය නැමූ විට අඟල් 5.4ක බාහිර Super Retina XDR තිරයක් භාවිත කළ හැකි අතර, තිර දෙකෙහිම අන්තර්ගතය අඛණ්ඩව දර්ශනය වන පරිදි නිර්මාණය කර ඇත. අභ්යන්තර තිරය සඳහා ආලෝක පරාවර්තනය අවම කරන nano-texture නිමාවක් යොදා ඇති අතර, තිර දෙකම ProMotion සහ Always-On Display පහසුකම්වලින් සමන්විත වේ.
iPhone Duo බලගැන්වෙන්නේ අති නවීන A20 Pro චිපයෙනි. මෙහි ඇති විශේෂ vapor chamber තාක්ෂණය මගින් දුරකථනයේ උෂ්ණත්වය පාලනය කරමින් ඉහළ කාර්යසාධනයක් ලබාදීමට සමත් වේ. කැමරා පද්ධතිය සම්බන්ධයෙන් ගත් කල, 48MP Fusion ප්රධාන කැමරාවක් සහ 48MP Ultra Wide කැමරාවක් ඇතුළත් වන අතර, නැමිය හැකි ස්වභාවය නිසා ‘Smart Take’ සහ ‘Duo Preview’ වැනි නවීන පහසුකම් රැසක් ද එක් කර ඇත.
මෙම දුරකථනය සඳහා විශේෂයෙන් සකස් කළ iOS 27 මෙහෙයුම් පද්ධතිය හරහා යෙදුම් දෙකක් එකවර තිරයේ දෙපස විවෘත කළ හැකි Split View පහසුකම ද ලබා දී ඇත. මීට අමතරව, නවතම Apple Intelligence සහ Siri AI පහසුකම් ද මෙයට ඇතුළත් වේ.
iPhone Duo මාදිලිය Star White සහ Night Sky යන වර්ණ දෙකකින් ලබාගත හැකි අතර, එහි ආරම්භක මිල ඇමෙරිකානු ඩොලර් 1,999ක් ලෙස නියම කර ඇත. ඔක්තෝබර් 16 වැනිදා සිට පෙර ඇණවුම් භාරගන්නා අතර, ඔක්තෝබර් 23 වැනිදා සිට වෙළෙඳපොළට නිකුත් කිරීමට නියමිතය.
