ශැරොන් එම්. ඩ්රේපර් විසින් රචිත ‘අවුට් ඔෆ් මයි මයින්ඩ්’ (Out of My Mind) කෘතියේ සිංහල පරිවර්තනය වන චාරුණී කොහොඹන්ගේ ලියූ ‘මෙලී බෙලී’ කෘතිය මෙවර රජත සාහිත්ය සම්මාන උළෙලේදී හොඳම පරිවර්තිත ළමා සාහිත්ය කෘතිය ලෙස සම්මානයට පාත්ර විය.
මෙම කෘතිය හුදෙක් ළමා කතාවකට පමණක් සීමා නොවී, විශේෂ අවශ්යතා ඇති දරුවන් සහ ඔවුන්ගේ දෙමාපියන් මුහුණ දෙන සංකීර්ණ සමාජීය හා මානසික අභියෝග පිළිබඳ ගැඹුරු සංවාදයක් ගොඩනංවයි. කතා නායිකාව වන මෙලඩිගේ ලෝකය තුළින් පාඨකයාට ලැබෙන්නේ හුදු දැනුමක් නොව, සහකම්පනය සහ අවබෝධයයි.
විශේෂ අවශ්යතා ඇති දරුවෙකු යනු දෙමාපියන්ට හෝ ගුරුවරුන්ට බරක් නොව, අසීමිත ආදරයකින් සහ රැකවරණයකින් පෝෂණය කළ යුතු ජීවිතයක් බව කතුවරිය මෙම කෘතිය හරහා මනාව පෙන්වා දෙයි. මෙවැනි දරුවන් දෙස අනුකම්පාවෙන් බැලීමට වඩා, ඔවුන්ගේ ලෝකය අවබෝධ කර ගැනීම සමාජයක් ලෙස අප සතු වගකීමකි.
ගුරුභවතුන් සහ දෙමාපියන් වෙනුවෙන් මෙම කෘතිය අනිවාර්ය කියවීමක් ලෙස නිර්දේශ කිරීමේ වැදගත්කම මහාචාර්ය සරත් විජේසූරිය මහතා ද අවධාරණය කරයි. අධ්යාපන මනෝවිද්යාවෙන් ඔබ්බට ගොස්, දරුවන්ගේ සැබෑ අවශ්යතා හඳුනා ගැනීමටත්, රාමුවෙන් පිටත සිතීමටත් මෙම කෘතිය පාඨකයාට මඟ පෙන්වයි.
වෛද්යවරියක වන චාරුණී කොහොඹන්ගේ විසින් සිදුකර ඇති මෙම සාහිත්ය මෙහෙවර, විශේෂ අවශ්යතා ඇති දරුවන්ගේ අයිතිවාසිකම් සහ සමාජ පිළිගැනීම වෙනුවෙන් පෙනී සිටින විශිෂ්ට ප්රයත්නයකි.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර 