ප්‍රංශයේ රුධිර පාරවිලයන ආයතනය (EFS) විසින් පාලනය කරනු ලබන රුධිර ගබඩා මධ්‍යස්ථාන තුනක් ඉලක්ක කර ගනිමින් මෙම සයිබර් ප්‍රහාරය එල්ල වී තිබේ. මෙම මධ්‍යස්ථානවල රුධිර ප්ලාස්මා සහ වෛද්‍ය ප්‍රතිකාර සඳහා අවශ්‍ය රුධිර සාම්පල ගබඩා කර ඇත.
ප්‍රහාරකයින් විසින් උපකරණ සපයන ආයතනයක් හරහා මෙම මධ්‍යස්ථානවල සිසිලන පාලන පද්ධතිවලට ඇතුළු වී ඇත. සාමාන්‍යයෙන් සෙල්සියස් අංශක මෘණ 30ක උෂ්ණත්වයක පවත්වාගෙන යන ගබඩා පද්ධතියේ උෂ්ණත්වය සෙල්සියස් අංශක 110 දක්වා ඉහළ නැංවීමට ඔවුන් උත්සාහ දරා ඇත.
කෙසේ වෙතත්, පද්ධතියේ තිබූ ස්වයංක්‍රීය අධීක්ෂණ සහ අනතුරු ඇඟවීමේ පද්ධති මගින් මෙම උෂ්ණත්ව වෙනස වහාම හඳුනා ගැනීමට හැකි විය. එමගින් රුධිර සාම්පලවලට හානි සිදුවීමට පෙර ඒවා ආරක්ෂිත ස්ථාන වෙත මාරු කිරීමට බලධාරීන්ට හැකි වී තිබේ.
මෙම සිදුවීමෙන් කිසිදු රුධිර තොගයකට හානියක් සිදුවී නොමැති අතර, රුධිර එකතු කිරීමේ සහ බෙදාහැරීමේ කටයුතුවලට බාධාවක් නොවූ බව ප්‍රංශ සෞඛ්‍ය අමාත්‍යාංශය පවසයි. මීට පෙර යුරෝපයේ රටවල් කිහිපයක සුපිරි වෙළඳසැල්වල සිසිලන පද්ධති ඉලක්ක කර ගනිමින් මෙවැනිම ප්‍රහාර මාලාවක් එල්ල වී තිබිණි.
ප්‍රංශ සයිබර් ආරක්ෂක අංශ මේ සම්බන්ධයෙන් පුළුල් පරීක්ෂණ ආරම්භ කර ඇති අතර, මෙම ප්‍රහාරය පිටුපස සිටින්නේ කවුරුන්ද යන්න මෙතෙක් තහවුරු වී නොමැත.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර 