අද (25) දිනයේදී දිවයිනේ ප්රදේශ කිහිපයකින් සැලකිය යුතු මට්ටමේ ඉහළ උෂ්ණත්වයක් වාර්තා වී තිබේ. කාලගුණවිද්යා දෙපාර්තමේන්තුව නිකුත් කළ දත්තවලට අනුව, මෙරටින් වාර්තා වූ වැඩිම උෂ්ණත්වය සෙල්සියස් අංශක 39.9ක් ලෙස ත්රිකුණාමලය ප්රදේශයෙන් සටහන්ව ඇත.
දෙවනුව වැඩිම උෂ්ණත්වය පොළොන්නරුව දිස්ත්රික්කයෙන් වාර්තා වී ඇති අතර එහි අගය සෙල්සියස් අංශක 38.6කි. මීට අමතරව තවත් දිස්ත්රික්ක කිහිපයක උෂ්ණත්වය සෙල්සියස් අංශක 37 ඉක්මවා ගොස් තිබේ.
ඒ අනුව මුලතිව් දිස්ත්රික්කයෙන් සෙල්සියස් අංශක 37.5ක් ද, මොනරාගලින් සෙල්සියස් අංශක 37.3ක් ද, වවුනියාවෙන් සෙල්සියස් අංශක 37.1ක් ද වශයෙන් උෂ්ණත්වය වාර්තා වී ඇත.
කාලගුණවිද්යා දෙපාර්තමේන්තුවේ ප්රාදේශීය මධ්යස්ථාන මගින් ලබාගත් දත්තවලට අනුව මෙම තත්ත්වය තහවුරු කර ඇති අතර, පවතින උණුසුම් කාලගුණික තත්ත්වය පිළිබඳව අවධානයෙන් පසුවන ලෙස ජනතාවට දැනුම් දෙනු ලැබේ.
