ලෝක කුසලාන ඇතුළු ප්රධාන පාපන්දු තරගාවලි සඳහා පුද්ගලික කොටස් විකිණීමේ යෝජිත ආයෝජන සැලැස්ම අත්හැර දැමීමට ජාත්යන්තර පාපන්දු සම්මේලනය (FIFA) තීරණය කර ඇත.
මෙම තීරණය නිල වශයෙන් ප්රකාශයට පත් කරමින් FIFA සභාපති ගියානි ඉන්ෆැන්ටිනෝ සඳහන් කළේ, ලොව පුරා පාපන්දු සංගම් සහ රසිකයන්ගෙන් එල්ල වූ දැඩි විරෝධය සැලකිල්ලට ගනිමින් මෙම පියවර ගත් බවයි.
මීට පෙර, ඩොලර් බිලියන 20ක වටිනාකමකින් යුත් නව ආයතනයක් පිහිටුවා එහි 20%ක කොටස් බාහිර ආයෝජකයින්ට විකිණීමට FIFA සැලසුම් කර තිබුණි. කෙසේ වෙතත්, මෙම ක්රියාවලියට යුරෝපීය පාපන්දු සම්මේලනය (UEFA) දැඩි ලෙස විරෝධය පළ කළේය.
UEFA සාමාජික රටවල් 55ක් ඒකමතිකව තීරණය කර තිබුණේ, මෙම පුද්ගලික ආයෝජන සැලැස්ම ක්රියාත්මක කරන්නේ නම් ලෝක කුසලාන තරගාවලිය ඇතුළු FIFA තරගාවලි වර්ජනය කිරීමටයි. ලෝක පාපන්දු ක්ෂේත්රයේ බලවත්ම සංගමය වන UEFA වෙතින් එල්ල වූ මෙම අනතුරු ඇඟවීම හේතුවෙන් FIFA සිය තීරණය වෙනස් කිරීමට පියවර ගත්තේය.
