එංගලන්තයේ වේල්ස්හි කුමරිය වූ ඩයනා කුමරියගේ ජීවිතය පිළිබඳව ඇයගේ බාල සොහොයුරා වන 9 වැනි අර්ල් ස්පෙන්සර් හෙවත් චාල්ස් ස්පෙන්සර් විසින් රචිත ‘හංස ගීතය: ඩයනා මගේ සහෝදරිය’ නමැති ග්රන්ථය මේ වන විට දැඩි කතාබහකට ලක්ව තිබේ. ලබන 22 වැනිදා ප්රකාශයට පත් කිරීමට නියමිත මෙම කෘතියේ අඩංගු ඇතැම් කරුණු හේතුවෙන් වත්මන් චාල්ස් රජු දැඩි අපහසුතාවයකට පත්ව ඇති බව විදෙස් මාධ්ය වාර්තා කරයි.
අදාළ ග්රන්ථයේ සඳහන් වන පරිදි, ඩයනා කුමරියගේ අභාවය පිළිබඳ පුවත ලැබුණු අවස්ථාවේදී චාල්ස් රජු හැසිරී ඇත්තේ ලොතරැයි ජයග්රාහකයෙකු මෙන් අතිශය ප්රීතියෙන් සහ උද්යෝගයකිනි. මෙම හෙළිදරව් කිරීම් සම්බන්ධයෙන් චාල්ස් රජු සිය ප්රකාශකයෙකු මාර්ගයෙන් පවසා ඇත්තේ, ශෝකය ප්රකාශ කිරීමේදී පුද්ගල මතකයන් සහ විනිශ්චයන් වෙනස් විය හැකි බවයි.
එමෙන්ම, ඩයනා කුමරිය තමා මුහුණ දුන් විවාහ ගැටලු හේතුවෙන් කිහිප වතාවක්ම සිය දිවි හානි කරගැනීමට උත්සාහ කර ඇති බවද එම කෘතියේ දැක්වේ. විශේෂයෙන්ම ඇය එංගලන්තයේ උසම හුණුගල් ප්රපාතය වන ‘බීච් හෙඩ්’ වෙත කිහිප වතාවක්ම තනිවම රිය පදවාගෙන ගොස් ඇත්තේ සිය දිවිය අවසන් කර ගැනීමේ අරමුණින් බව එහි සඳහන් වේ.
කෙසේ වෙතත්, තම පුතුන් වන විලියම් සහ හැරී කුමරුන් කෙරෙහි පැවති දැඩි ආදරය සහ සෙනෙහස හේතුවෙන් ඇය එම අවාසනාවන්ත තීරණයෙන් වැළකී සිටීමට කටයුතු කර තිබේ. ඩයනා කුමරියගේ ජීවිතයේ අවසන් කාල පරිච්ඡේදය පිළිබඳව මෙවැනි සංවේදී කරුණු රැසක් මෙම ග්රන්ථය මගින් අනාවරණය කර ඇත.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර 