පේදුරුතුඩුව මූලික රෝහලේ සේවය කරන හෙද කාර්ය මණ්ඩලයේ දිගුකාලීන ගැටලුවකට විසඳුම් ලබාදෙමින්, නව හෙද නිල නිවාස සංකීර්ණයක් ඉදිකිරීම සඳහා අද (19) පස්වරුවේ මුල්ගල තැබීමට නියමිතය.
මෙම ව්යාපෘතිය සඳහා රුපියල් මිලියන 212ක මුදලක් වැය කිරීමට නියමිත අතර, සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතාගේ ප්රධානත්වයෙන් මෙම උත්සවය පැවැත්වේ.
රෝහල් කාර්ය මණ්ඩලයට ප්රමාණවත් නිල නිවාස පහසුකම් නොමැති වීම හේතුවෙන් ඔවුන් මීට පෙර දැඩි අපහසුතාවන්ට මුහුණ දී සිටියහ. රජයේ සෞඛ්ය ක්ෂේත්රයේ භෞතික සම්පත් සංවර්ධනය කිරීමේ වැඩසටහන යටතේ, උතුරු පළාත් සභාවේ අරමුදල් භාවිතා කරමින් මෙම ඉදිකිරීම් සිදු කෙරේ.
රටේ සෞඛ්ය සේවාවේ කාර්යක්ෂමතාව සහ ගුණාත්මකභාවය ඉහළ නැංවීමේ අරමුණින් මෙම වැඩපිළිවෙල ක්රියාත්මක කෙරේ. මෙම අවස්ථාව සඳහා උතුරු පළාත් ආණ්ඩුකාරවරයා, ප්රාදේශීය දේශපාලන නියෝජිතයින් සහ රෝහල් කාර්ය මණ්ඩලය ඇතුළු පිරිසක් එක්වීමට නියමිතය.
