2026 පොදුරජ මණ්ඩලීය රාජ්‍ය නායක සමළුවට (CHOGM) සහභාගී වීම සඳහා අග්‍රාමාත්‍ය ආචාර්ය හරිනි අමරසූරිය අද (ඔක්තෝබර් 31) දිවයිනෙන් පිටත්ව ගිය බව අග්‍රාමාත්‍ය අංශ සඳහන් කරයි.
ඇנטיගුවා සහ බාබුඩා හි ශාන්ත ජෝන්ස් නගරයේදී මෙම සමළුව පැවැත්වෙන අතර, අග්‍රාමාත්‍යවරිය කටුනායක බණ්ඩාරනායක ජාත්‍යන්තර ගුවන්තොටුපළින් මීට සුළු මොහොතකට පෙර දිවයිනෙන් පිටත්ව ගියාය.
ඔක්තෝබර් 31 වැනි දින සිට නොවැම්බර් 6 වැනි දින දක්වා ඇය මෙම නිල සංචාරයේ නිරත වීමට නියමිතව තිබේ.
සංචාරය අතරතුර අග්‍රාමාත්‍යවරිය පොදුරජ මණ්ඩලීය රාජ්‍ය නායකයන් හමුවී සාකච්ඡා පැවැත්වීමටත්, සාමාජික රටවලට පොදු වැදගත්කමක් ඇති කරුණු සම්බන්ධයෙන් අදහස් හුවමාරු කර ගැනීමටත් අපේක්ෂිතය.
