සමාජ මාධ්‍ය භාවිත කරන්නන්ගේ පෞද්ගලික අදහස්වලට පටහැනි අන්තර්ගතයන් පවා ඔවුන්ගේ ප්‍රවෘත්ති සංග්‍රහයන් (Feeds) වෙත ගෙන ඒමට සමාජ මාධ්‍ය ඇල්ගොරිතම කටයුතු කරන බව නවතම අධ්‍යයනයකින් අනාවරණය වී ඇත. ඇමරිකානු පරිශීලකයින් 715 දෙනෙකු යොදා ගනිමින් සිදුකළ මෙම පර්යේෂණය මගින් X සමාජ මාධ්‍ය වේදිකාවේ ක්‍රියාකාරිත්වය පිළිබඳව විශේෂ අවධානයක් යොමු කර තිබේ.
පර්යේෂකයන් පෙන්වා දෙන පරිදි, පරිශීලකයෙකු තමන් එකඟ නොවන පළ කිරීම්වලට ප්‍රතිචාර දැක්වීම, විවේචනය කිරීම හෝ අභියෝග කිරීම මගින් එම අන්තර්ගතයන් නැවත නැවතත් ඔවුන් වෙත නිර්දේශ වීමට ඉඩ ඇත. සමාජ මාධ්‍ය ඇල්ගොරිතම මගින් පරිශීලකයාගේ ඕනෑම ආකාරයක ක්‍රියාකාරකමක් එම අන්තර්ගතය කෙරෙහි ඇති උනන්දුවක් ලෙස සලකනු ලබයි.
මෙම අධ්‍යයනයට අනුව, පරිශීලකයින් තමන් අනුගමනය කරන ගිණුම්වලින් තම මතයට ගැලපෙන දේ දැකීමට උත්සාහ කළද, ඇල්ගොරිතම මගින් ස්වයංක්‍රීයව නිර්දේශ කරන අන්තර්ගතයන් බොහෝ විට ඔවුන්ගේ පෞද්ගලික විශ්වාසයන් සමඟ නොගැළපේ. විශේෂයෙන්ම දේශපාලන මතවාදයන් සම්බන්ධයෙන් මෙම තත්ත්වය වඩාත් කැපී පෙනෙන බව පර්යේෂකයෝ පවසති.
පරිශීලකයින්ගේ අවධානය සහ ක්‍රියාකාරීත්වය උපරිම කිරීම අරමුණු කරගත් ඇල්ගොරිතම, පරිශීලකයාගේ සැබෑ කැමැත්තට වඩා ඔවුන්ව වේදිකාව තුළ රඳවා තබා ගැනීමට උත්සාහ කරයි. එමනිසා, ඔබ අකමැති පළ කිරීම්වලට ප්‍රතිචාර දැක්වීමෙන් එම අන්තර්ගතයන් තවදුරටත් ඔබේ සංග්‍රහය තුළ ඉහළින්ම පෙන්වීමට මග පෑදෙන බව පර්යේෂකයින් වැඩිදුරටත් අවධාරණය කරති.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර 