ඕස්ට්රේලියාවේ අධ්යාපනය ලබන ජාත්යන්තර සිසුන් සඳහා නව වීසා සීමාවන් පැනවීමට එරට රජය පියවර ගෙන ඇත. ඒ අනුව, සිසුන්ට තම සහකරු හෝ සහකාරිය මෙන්ම දරුවන් ඕස්ට්රේලියාවට කැඳවා ගැනීමේ අවස්ථාවන් දැඩි ලෙස සීමා කිරීමට නියමිතය.
එරට ස්වදේශ කටයුතු අමාත්ය ටෝනි බර්ක්වි විසින් මේ පිළිබඳ නිල ප්රකාශය සිදු කිරීමට නියමිතව ඇත. මීට අමතරව, තාවකාලික සංක්රමණිකයන් වෙනත් වීසා කාණ්ඩ වෙත මාරුවීම වැළැක්වීම සඳහා පවතින නීති රීති ද දැඩි කිරීමට රජය සැලසුම් කර තිබේ.
පවතින දත්තවලට අනුව, වසරකට 300,000ක් පමණ වන ශුද්ධ විදේශීය සංක්රමණිකයන් සංඛ්යාව 2028 වසර වන විට 225,000 දක්වා පහත හෙළීම මෙම නව ප්රතිපත්තියේ ප්රධාන අරමුණයි. කොවිඩ්-19 වසංගතයෙන් පසු සංක්රමණිකයන්ගේ පැමිණීම විශාල ලෙස ඉහළ යාම හේතුවෙන් එරට නිවාස අර්බුදයක් සහ යටිතල පහසුකම් කෙරෙහි දැඩි පීඩනයක් එල්ල වී ඇති බව වාර්තා වේ.
2023 වසරේදී ශුද්ධ සංක්රමණය 518,000ක් දක්වා ඉහළ ගිය ද, 2025 ජූනි වන විට එය 306,000ක් දක්වා පහත වැටී තිබුණි. කෙසේ වෙතත්, දේශපාලන පීඩනයන් සහ රටේ පවතින ආර්ථික තත්ත්වයන් සැලකිල්ලට ගනිමින් මෙම නව සීමාවන් හඳුන්වා දීමට ඕස්ට්රේලියානු රජය තීරණය කර ඇත.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර 