යේමනයේ හූති සටන්කාමීන් විසින් එල්ල කරන ලදැයි සැක කෙරෙන ප්රහාරයකින් සෞදි අරාබියේ රියාද් නුවර පිහිටි කිං ඛාලිද් ජාත්යන්තර ගුවන්තොටුපළ ආශ්රිත ප්රදේශයක දැවැන්ත ගින්නක් හටගෙන ඇත.
ගුවන් ප්රහාර පිළිබඳ අනතුරු ඇඟවීම් නිකුත් කිරීමෙන් පසු රියාද් අගනුවර ප්රදේශ කිහිපයකින් පිපිරීම් ශබ්ද ඇසී ඇති අතර, ගුවන්තොටුපළ අසල කළු දුමාරයක් දක්නට ලැබුණු බව වාර්තා වේ. ප්රහාරය හේතුවෙන් ගුවන්තොටුපළේ මෙහෙයුම්වල බාධා ඇතිවී ඇති අතර ගුවන් ගමන් ප්රමාදවීම් සහ අවලංගු කිරීම් සිදුවී ඇති බව FlightRadar24 දත්ත පෙන්වා දෙයි.
මූලික වාර්තා සඳහන් කරන්නේ ගුවන්තොටුපළ අසල පිහිටි ඉන්ධන ටැංකියක් ප්රහාරයට ලක්ව ඇති බවයි. එම ගින්න නිවා දැමීම සඳහා ගිනි නිවන භටයින් කඩිනමින් කටයුතු කරමින් සිටින බව විදෙස් මාධ්ය වාර්තා කරයි.
සෞදි සිවිල් ආරක්ෂක අංශ විසින් රියාද් නගරයේ පදිංචිකරුවන්ට නිවෙස් තුළම රැඳී සිටින ලෙස උපදෙස් ලබා දී ඇත. මෙම ප්රහාරය සම්බන්ධයෙන් සෞදි බලධාරීන් විසින් මෙතෙක් නිල ප්රකාශයක් නිකුත් කර නොමැත.
